O Departamento de Cultura do Concello de Arzúa pecha esta fin de semana o programa “Mes das Letras” que dou comezo o pasado día un e que achegou aos veciños e veciñas de Arzúa exposicións, teatro, contacontos, actuacións musicais e obradoiros.
Venres 25
Proxección do documental Lembranzas e reflexións de Isaac Díaz Pardo a partires das sete e media no telecentro.
A sesión, que está incluída dentro do ciclo “Proxecta Galego”, finalizará co sorteo do libro e DVD dirixido por Xan Leira.
Sábado 26
Obradoiro de xogos populares e tradicionais dende as catro e media da tarde ao carón da igrexa de Oíns.
En caso de choiva a actividade realizarase no local social que está pegado tamén á igrexa.