Buscar
Cerrar este cuadro de búsqueda.
Buscar
Cerrar este cuadro de búsqueda.

Programa de Dinamización e Promoción ‘Ven ás feiras do 8 e 22’

Cartel Xeral Ven ás Feiras do 8 e 22 - Concello de Arzúa

Arzúa emprende unha campaña de dinamización das súas feiras tradicionais

O goberno municipal prepara un programa repleto de iniciativas para facer máis atractiva a feira que se vén celebrando na localidade os días 8 e 22 de cada mes desde tempos inmemoriais

O Concello de Arzúa vai poñer en marcha un plan de promoción e dinamización das feiras quincenais dos días oito e vinte e dous. O proxecto, que leva por nome ‘Ven ás feiras do 8 e 22’, dará comezo na segunda feira do mes de xuño coa realización de actividades de animación e coa defusión a través de diversos medios publicitarios co fin de reactivar estes mercados tradicionais e impulsar a economía local.

Este novo programa, enmarcado no Plan de Promoción e Dinamización das feiras do 8 e 22 de Arzúa, poñerá en valor o mercado tradicional que reúne durante todo o ano a veciños e veciñas e atrae a numerosos visitantes favorecendo ao tecido empresarial da vila.

Cada quince días Arzúa crea un escaparate comercial no recinto feiral Terra do Queixo, na explanada do Campo da Feira e nas rúas próximas a este cun centenar de postos variados no que se pode atopar desde froitas, verduras e produtos da zona, a roupa e calzado pasando por prantas e viveiros, apeiros de labranza, roupa e artigos para o fogar ou os tradicionais postos de polbo á feira.

O Concello de Arzúa promocionará as feiras a través de cartelería, folletos e outros soportes publicitarios nas inmediacións do propio recinto feiral. Tamén as difundirá na web municipal, radio local, redes sociais e prensa.

O obxectivo tamén é dinamizar a zona do mercado con actividades variadas que poidan atraer a máis público e lograr que as persoas que nos visiten permanezan durante máis tempo en Arzúa e aproveiten, como se pretende con este plan, para facer outras mercas e quedar a xantar. Durante os meses de verán as actividades centraranse na animación de rúa con música e animadores caracterizados que interactúen coa xente.

A primeira actividade terá lugar o vindeiro día 22 de xuño cun espectáculo itinerante titulado ‘Circo Victoriano’ a cargo de Barafunda Animación. Nesta primeira sesión aproveitarase para promocionar este novo programa entre o público.

No campo da dinamización, propoñeranse máis adiante actividades infantís, gastronómicas, sorteos, campañas de descontos, intervencións artísticas e concursos que impliquen ao público e aos vendedores.

O alcalde de Arzúa, José Luis García, agarda que a iniciativa “teña unha repercusión positiva no noso comercio, que axude a dinamizalo e sexa un atractivo máis para visitarnos”.

Flyer actividades verán - Ven ás Feiras do 8 e 22 - Concello de Arzúa

 

Facebook
Twitter
LinkedIn
Pinterest
WhatsApp
Email