Buscar
Cerrar este cuadro de búsqueda.
Buscar
Cerrar este cuadro de búsqueda.

Artigo do Concello de Arzúa en homenaxe a Nacho Mirás, pregoeiro da 40 edición da Festa do Queixo

Ata Sempre,Nacho Mirás

 Foi o xornalista que todos desexamos ser, un ser humano de cualidades extraordinarias. Dicía tantas verdades e tan ben contadas, que ler o que él escribía cada día era un deses praceres cos que, sen contar, nos agasalla de vez en cando a vida.

Querido e admirado, Nacho Mirás podía presumir de contar cunha lexión de amigos que estivo con él nos bos e malos tempos, en todo momento e ata o final. Rodeado dunha extraordinaria familia, Nacho Mirás exerceu a profesión de xornalista ao longo de toda a súa vida e contaba o que acontecía dun xeito tan ameno, directo e sinxelo que todos os seus compañeiros de profesión admiraron sempre a enorme capacidade que posuía de contar en pouco tempo tanto e tan bonito.

No 2013, a súa vida deu un xiro radical, a aparición dun cancro cambiou para sempre o devir dunha persoa que loitou e se rebelou contra unha dura enfermidade. Enfrontou a súa loita dun xeito tan brutal que, a diario, contaba as súas batallas nun blog persoal denominado rabudo.com

Esta bitácora descubriu as bondades dun ser humano inigualable, narraba o seu día a día chamándolle ás cousas polo seu nome e conseguiu así namorar a ducias de lectores que quedaron prendados da fortaleza dun xornalista que atravesou nos dous últimos anos o mellor peor momento da súa vida, como el mesmo dicía e así o deixou plasmado no seu primeiro e único libro.

Nacho Mirás convertiuse, sen pretendelo, nun exemplo a seguir. Falaba da súa enfermidade dun xeito tan natural e enfrontouse a ela desde unha perspectiva tan forte e valente que o aluvión de admiradores chegou a contarse por milleiros. Acudiu a cantos eventos se lle convidou e fíxoo sempre cunha enorme xenerosidade, a mesma que mantivo ata o final.

En Arzúa lembrarémolo sempre como o magnífico pregoeiro da 40 Festa do Queixo, que celebramos neste 2015. Aceptou encantado e dixo que viña co “corazón contento e cheo de alegría”. Nacho Mirás falou con voz entrecortada para todos os veciños e veciñas de Arzúa e falou tan bonito que a máis de un se lle asomaron as bágoas aos ollos.

Querido Nacho, descansa en paz.

Facebook
Twitter
LinkedIn
Pinterest
WhatsApp
Email